Törkiyäneñ ayva êksportı

Ayva citeşterüneñ yaqınça 60% başqarılğan Sakarya isä yuğarı tabışlılığı belän êksportqa öleş kertä.

BMO azıq-tölek häm igençelek oyışmasınıñ (FAO) 2017nçe yılğı mäğ’lümatlärgä kürä, 174 meñ 38 tonna ayva citeşterüe belän dönyada berençe urında torğan Törkiyädän soñ 112 meñ 783 tonna üsterü küläme belän Qıtay häm 109 meñ 516 tonna citeşterü belän Üzbäkstan kilä.

Urta diñgez êksportçı berleklärennän (AKİB) alınğan mäğ’lümatkä kürä, 2017nçe yılda 18 meñ 977 tonna ayva êksportlanğan bulsa, uzğan yılda bu san 19 meñ 901 tonnağa citkän.

Törkiyä uzğan yılda iñ küp ayvanı 5 meñ 937 tonna belän Rusiyägä êksportlağan bulsa, 2 meñ 783 tonna belän Germaniya ikençe, ber meñ 794 tonna belän Ğiraq (Ğıyraq) öçençe urında ide.

Ğiraqtan (Ğıyraqtan) soñ isä ber meñ 408 tonna belän Rumıniya häm ber meñ 142 tonna belän Niderland kilä.

Şuşı illär belän ber rättän Şveyśariya, Bel’giya, Norvegiya, İzrail, Dubai, Baxreyn, Franśiya häm Quveyt belän bergä tağın 39 ilgä ayva cibärüçe Törkiyä uzğan yılda ayva êksportınnan 13 million 418 meñ lira kerem aldı.

Törkiyä statistika oyışması belän BMO azıq-tölek häm igençelek oyışmasınıñ 2017nçe yılğı mäğ’lümatlärenä kürä, 174 meñ 38 tonna bulğan tuplam ayva citeşterüenä Sakarya 102 meñ 476 tonna külämendä öleş kertte.

Törkiyäneñ iñ möhim ayva citeşterelüe yasalğan Sakaryanıñ Gäyvä ilçäsendä ber yılda yaqınça 59 meñ tonna ayva üsterelä.