Oçqıçta internet qullanu qıymmätkä töşte

Bel’giyädän Dubayğa oçqanda yul buyı çıbıqsız internet qullanğan yulçığa 5 meñ 463 yevro külämendä xisap kilgän. Matbuğat çaraları yazğança, älege blogger ildäge iñ kiñ taralğan telefon operatorınıñ abunäçese. Operator oçışta internet xezmäte birmäwen, şul säbäple yulçınıñ oçqıç şirkäte tarafınnan yuğarı bäyäle iyärçengä totaştırıluın belderde.

Telefon kompaniyäse wäkile äytüençä, ğadäti şartlarda internet qullanu 60 yevrodan uzsa, kisätü xäbäre cibärelä häm ireşü avtomat räweştä bloklana. Ämma älege bel’giyäle telefonındağı bu programmanı betergän.    

Qullanuçı isä xisapnı kürgäç şaqqatuın belderä. Ul kisätü xäbäreneñ oçu tämamlanğaç kilüen äytä.  

Süz uñayınnan, Bel’giyädän Dubayğa oçışlar, sezonına qarap, 500 belän 1000 yevro arasında. Telefon operatorı täwge tapqır mondıy wäzğıyät’tä qaluların, oçqıç biletınnan küpkä qıymmätkä töşüçe internet turında qullanuçılarnı kisätäçäklärem häm çişeleş tabarğa tırışaçaqların belderde.