İranda 80nän artıq proyekt tämamlanmağan

Alarnı şäxsi qullarğa birergä isäplilär

1102437
İranda 80nän artıq proyekt tämamlanmağan

İranda 80nän artıq proyekt yartı yulda qalğan. Alarnı tögälläw öçen şäxsi sektorğa tapşıru kiräk. İlneñ İSNA xäbär agentlığı yazğança, bu xaqta İran êçke êşlär ministrı urınbasarı Mäxdi Cämalinejad belderde. Xökümät älege proyektlarnı küzdän ıçqındırırğa cıyınmıy. Alarnı tormışqa aşıru öçen zur külämdä investiśiyälärgä ixtıyac buluın assızıqlıylar.  Cämalinejad äytkänçä, şäxsi şirkätlärneñ xäle däwlätnekenä qarağanda tağın da yaxşı. Şuna kürä tämamlanmağan proyektlarnı alarğa birep däwam itärgä isäplilär. İranda zur külämle proyektlar kübesençä qorallı köçlärneñ şirkätläre tarafınnan ğamälgä aşırıla. İlbaşı Xäsän Ruxani da armiyäne küp tapqırlar iq’tisadi êşçänleklären tuqtatırğa çaqırdı.  

Saqlanu ministrı Êmir Xatämi avgust ayında yasağan belderüendä armiyä qul astındağı transport, ênergetika häm tözeleş tarmağında xezmät itüçe 130dan artıq şirkätne yabıp, proyektlarnı şäxsi sektorğa birülären äytte.

AQŞnıñ İranğa qarşı kertelgän sankśiyäläre däwlätneñ iq’tisadındağı problemalarnı tağın da tiränäytte, çit il investiśiyäläreneñ kübese tuqtatıldı.



Bäyläneşle xäbärlär