Djeneral Motors 18 meñ keşene êştän çığara

Amerikanıñ avtomobil’ gigantı Djeneral Motors citeşterü çığımnarın kimetü maqsatınnan Tön’yaq Amerika däwlätlärendä 18 meñ ofis xezmätkären, kompensaśiyä tüläp, êştän çığarırğa niyätli. Täq’dimne şirkättä 12 yıl häm tağın da kübräk xezmät itüçelärgä yasağannar. Kompensaśiyä detal’läre turında mäğ’lümat birelmäde.

Êştän çığaru adımı şirkätneñ 2018nçe yılnıñ 3nçe çiregendä 2,5 milliard dollar kerem aluı turındağı belderüennän soñ yasala. İq’tisad yaxşığa taba kitkändä citeşterü çığımnarın töşerüneñ näticäle buluı assızıqlana.  

Tarmaq belgeçläre avtomobil’ industriyäseneñ yaqındağı çorda qıyınlıqlar belän oçraşaçağın farazlıy. Monıñ säbäbe - AQŞ häm Qıtayda satularnıñ kimüe, Tramp idaräseneñ alüminiy êşlänmälärenä yaña tamojnya tarifları.

Djeneral Motorsnıñ AQŞ, Kanada häm Meksikada yaqınça 50 meñ xezmätkäre bar.