AQŞ Qıtayğa neft’ cibärüne tuqtattı

Bu ike aradağı iqtisadi suğışnıñ näticäse

1062003
AQŞ Qıtayğa neft’ cibärüne tuqtattı

Amerika Quşma Ştatlarınnan Qıtayğa neft’ kertü turlısınça tuqtatıldı. Bu xaqta ingliz basması Reyters xäbär itä. Alar üzäge Gonkongta bulğan ber ênergetika şirkäteneñ başlığı Se Çun’lin’ süzlärenä tayana. Anıñ äytüençä, ike il arasındağı säwdä suğışı wäzğıyätendä AQŞtan Qıtayğa neft’ kertü tuqtatıldı. “Bez AQŞtan Qıtayğa neft’ taşuçılarnıñ berse. İqtisadi köräşkä qadär bu yaxşı êş ide, ämma xäzerge waqıtta bötenläy tuqtap qaldı,”-dip söyli Çun’lin’. Anıñ süzlären köymälärne küzätü sisteması da raslıy.  

Vaşingtonnan Pekinğa neft’ taşu 2 yıl êlek başlandı. Uzğan yıl qara altınnıñ Qıtayğa êksport küläme AQŞ neften satıp aluçı illär arasında öçençe bulğan Angliyä häm 4nçe urındağı Niderlandnıñ tuplam külämennän artığraq ide. Aña ğomumi êksportnıñ 20%ı turı kilde. Qıtay AQŞ nefte aluçılar arasında isemlektä Kanadadan soñ ikençe.  



Bäyläneşle xäbärlär