Dön’yanıñ öçençe iñ zur neft’ êşkärtü kompleksı tözelä

Anı Paqıstanda tözilär

1061562
Dön’yanıñ öçençe iñ zur neft’ êşkärtü kompleksı tözelä

Soğud Ğaräbstanı Paqıstannıñ okean yarındağı Gvadar şähärendä dön’yanıñ öçençe iñ zur neft’ êşkärtü kompleksın töziyäçäk. Proyekt Qıtay - Paqıstan iq’tisadi koridorına Soğud Ğaräbstanınıñ çaqırıluı häm älege il wäkilläreneñ Paqıstanğa säfärennän soñ kön üzägenä kilde.

Wäqalätle zatlar beldergänçä, älege kompleks Paqıstannıñ neft’kä ixtıyacın tulısınça täêmin itäçäk. Soğud Ğaräbstanınnan kilgän delegaśiyägä tözeleş öçen ike urın täqdim itelgän. Kompleks yä Gvadar şähärendä yäisä şähärneñ yar buyında diñgez östendä bulaçaq. Xäzer bu täqdimnärne belgeçlär belän bergä utırp tikşerälär.

Soğud Ğaräbstanı neft’ne tışqa satqanda kübräk Qızıl diñgez aşa cşibärä. Gvadar alar öçen yaña mömkinlek bulaçaq.

Paqıstan matbuğatında çıqqan xäbärlärgä qarağanda, Soğud Ğaräbstanı Bälucistan töbägendäge altın häm baqır şaxtalarına da investiśiyäyasarğa cıyına.  



Bäyläneşle xäbärlär