Awrupa Berlege 3 million tonna kähwä êçkän

28 däwlät bu xuş isle êçemlek öçen 8 milliard 700 million yevro tülägän

1060078
Awrupa Berlege 3 million tonna kähwä êçkän

Awrupa Berlegendäge 28 däwlät 2017nçe yılda 8 milliard 700 million yevrolıq kähwä satıp alğan. Bu xaqta Yevrostat 1nçe oktyabr’ - Bötendön’ya kähwä köne uñayınnan belderde. Awrupa Berlege, ğomumän alğanda, uzğan yıl yaqınça 3 million tonna kähwä kertkän. Bu nisbättän, aldınğı urında Germaniyä. Nemeślar uzğan yıl 2 milliard 777 yevrolıq kähwä êçkän. İkençe urında Franśiyä. Alar bu xuş isle êçemlek öçen 1 milliard 622 million yevro çığarıp salğan. İtaliyä dä az ğına qalışa. Alar illärenä 1 milliard 335 million yevrolıq kähwä kertkän.  

Kähwälärne kübräk Braziliyädän satıp alğannar. Awrupa Berlegenä kergän älege tovarnıñ 29%ı annan. Monnan tış, V’yetnam, Gonduras, Kolumbiya, Uganda, Hindstan, İndoneziya häm Peru Awrupağa kähwä êksportlağan.



Bäyläneşle xäbärlär