Hindstan neft’ne rupi belän satıp ala

Hindstan İrannan neft’ne üz aqça berämlege rupi belän ala başlayaçaq. Cirle mäğ’lümat çaralarındağı xäbärlärgä qarağanda, bu Amerika sankśiyälärenä qarşı çara bularaq uylanıla. Anda äytelgänçä, yaña tör tüläw sisteması noyabr’ ayınnan ğamälgä keräçäk. Çönki näq’ menä 5nçe noyabr’dä Amerika Quşma Ştatlarınıñ İranğa qarşı ikençe sankśiyälär paketı tormışqa aşa başlıy. Ul İrannıñ neft’ çığaru häm satu tarmağına xalıqara çikläwlär kiteräçäk. Bu ilneñ töp kerem çığanağına bäräçäk. Anıñ iq’tisadınıñ zur öleşe neft’kä bäyle.  

Vaşington idaräse, monnan tış, 5nçe noyabr’dän soñ İran belän mönäsäbätläre bulğan şirkätlärgä dä sankśiyälär belän yanıy.