Avstraliyädä alma êçennän ênä çıqtı
iİdä ciläk-cimeş êçennän tegü ênäse çığu oçraqları kiñ cäyelde
Avstraliyädä ciläk häm banannan soñ, alma êçennän ênä çıqtı. BiBiSi Törekçäneñ xäbärenä qarağanda, ildä ciläk-cimeş êçennän tegü ênäse çığu oçraqları kiñ cäyelde.
6 töbäktä ciläklärdä, Kvinslendta ber bananda, kiçä isä Sidneyda almanın êçennän ênä çıqtı. Soñğısın qızına mäktäpkä äbät äzerlägändä ber ana kürep ala. Ul şunda uq poliśiyägä xäbär itä. Waqıyğa belän bäyle tikşerü başlandı.
Kiçä Kvinslendta supermarketta 62 yäş’lek ber xatınnı bananğa ênä quyıp mataşqanda êläkterdelär. Anıñ aqıl yağınnan zäğıyf’ buluı açıqlandı.
Täwge “ênäle oçraq” uzğan atnada Kvinslendta bulğan ide. Töbäkneñ xökümät räise Annastasiya Palaçuk sabotajdan zarar kürgän ciläk citeşterüçelär öçen 1 million dollarlıq fond tözelüen belderde. Anıñ 100 meñ dolları ciläklärgä ênä quyuçılarnıñ totıluına yärdäm itüçelärgä büläk bularaq bireläçäk. Ğayeplelärgä 10 yılğa qadär törmä yanıy. Êlegräk monı şirkätenä açu saqlawçı êlekkege xezmätkär êşli dip uylanıldı. Ämma ênälär törle citeşterüçelärnekennän çıqqannan soñ, bu faraz töşep qaldı.
Töbäktä yıl sayın urtaça 6-15 tonna ciläk citeşterelä. Qayber şirkätlär ciläklären marketqa cibärgänçe metal detektorı aşa ütkärä başlağan.
