Törkiyä-Rusiyä-İran üz aqça berämlekläre belän êş yörtäçäk

İran Üzäk bankı räise Abdunnasır Ximmäti Törkiyä, Rusiyä häm ileneñ cirle aqça berämlekläre belän säwdä itü mäs’äläsendä fikerdäş buluların söyläde. Bu xaqta ul jurnalistlarğa belderde. Anın äytüençä, tizdän 3 däwlätneñ üzäk bankları idaräçeläre oçraşıp, kileşengän noqtalarnı tizräk ğamälgä aşıru yulların qarayaçaq.

Abdunnasır Ximmäti İran başqalası Tähranda 7nçe sentyabr’dä ütkän Süriyä temalı sammitta ilbaşı Räcäp Tayyip Ärdoğan häm Rusiyä däwlät başlığı Vladimir Putin qatnaşında näticäle söyläşülär buluın citkerde. Anda neft’, gaz häm töp tovarlarnı satıp alu, monnan tış, bankaçılıq mäs’älälrendä kileşü täêmin itelgän.

Ximmäti 3 däwlätneñ dä dollarnı ğamäldän çığaru mäs’äläsendä berdäy fiker yörtüen, Törkiyä-Rusiyä-İrannıñ üz aqça berämlekläre belän êş yörtäçägen assızıqladı