Törek şirkäte Sudanda altın êzläyäçäk
Törkiyäneñ “Dänizli” şirkäte Sudannıñ Qızıl diñgez vilayätendä altın êzläyäçäk
Sudan taw sänäğäte ministrlığınnan yasalğan qısqa belderüdä “Dänizli” şirkäteneñ altın tikşerenü häm êşläp çığaru ölkäsendä Sudanlı "Business Haidar Mining" şirkäte belän urtaqlıq kileşüenä qul quyuı turında äytelde.
“Dänizli” şirkäteneñ ğomum mödire Şahin Tin, ministrlıqta yasağan belderüendä citeşterü barışın tizlätergä teläwlären belderep: “Sudan şirkäte belän urtaqlığıbıznı, partnyorlığıbıznı üsterergä telibez. Altın êzläw häm çığaru êşçänlegeneñ ike ilgä faydalı näticälär tudıraçağın uylıybız”, - dip äytte.
2011nçe yılda Kön’yaq Sudannıñ ayırıluınnan soñ neft’ keremen yuğaltqan Sudan yaña êzlänülärgä totınğan häm valyuta keremnäreneñ 80%ın täşkil itüçe altın tarmağına yünälgän ide.
Sudannıñ altın êşläp çığaruı uzğan yılda 105 tonnağa citkän bulsa, bıyıl berençe altı ayda isä 63 tonna 300 kilogramm buldı.
