Kiyevtan Kayseriğa oçqıç säfäre
Bu qız sezonında här atna turıdan oçqıç säfärläre başlatılaçaq
Tarixi Yefäk yulında urnaşqan Törkiyäneň Kaysäri şähärenä turizm xezmättäşlege qısalarında Ukraina başqalası Kiyevtan oçqıç säfärläre başlatılaçaq.
Şähär xaqimiyätennän yasalğan yazma açıqlawğa kürä şähär mêrı Mostafa Çälik Kayserineň turizmda aktivlığınıň arttırıluı êşçänlekläre qısalarında Ukrainanıň iň zur 15 tur operatorı şirkäte citäkçeläre belän küreşep söyläşte.
Söyläşüdä bu qış sezonında Kiyevtan Kayserigä här atna turıdan oçqıç säfärläreneň başlatıluına qarar birelde.
Açıqlawda Çälikneň tübändäge süzläre urın ala: “İň möhim tabiği maturlığıbız – Ärciyäs tawı. Kayseridä köläçyözle keşelär häm qunaqçıl citäkçelär yäşi. Turizmda xezmättäşlekkä äzer bez. Qunaqlarıbıznı yaxşı qabul itäçäkbez.”
Uzğan yılnıň dekabr’ ayında Rusiyä başqalası Mäskäwdän Kayserigä turıdan säfärlär başlatıldı, şähärgä kilgän berençe törkemne Ärkilät hawa mäydanında känäferlär belän qarşı alğannar ide.
Bäyläneşle xäbärlär
Tözeleş materialları êksportı arttı
Tözeleş materialı sänägäte tışqı säwdä indeksınıñ fevral’ ayı näticäläre açıqlandı
