Zur cidelek illäre AQŞqa qarşı berläşte

AQŞ ilbaşı Donal’d Trampnıñ qorıç häm alyuminiyğa yaña tamojnya salımnarı kertüenä “zur cidelek” illäre mönäsäbäten belderde

984539
Zur cidelek illäre AQŞqa qarşı berläşte

AQŞ ilbaşı Donal’d Trampnıñ qorıç häm alyuminiyğa yaña tamojnya salımnarı kertüenä “zur cidelek” illäre mönäsäbäten belderde.  Dön’yanıñ iñ alğa kitkän iq’tisadına iyä 7 däwlättän toruçı bu törkemneñ 3 kön barğan finans ministrları cıyılışı tamamlandı. Çara Kanadanıñ Wisler şähärendä uzdı. Aña älege ilneñ finans ministrı Bill Morno räislek itte. Soñınnan ul jurnalistlar öçen belderü yasadı. Anda äytelgänçä, törkemneñ AQŞtan tış 6 äğ’zası häm Awrupa berlege wäkile Trampnıñ säwdä tarmağına kertkän üzgäreşlärenä qarata “borçılu häm qanäğat’sezlek” toyuın beldergän. Alar AQŞnıñ yaña tamojnya tariflarına qarşı berläşä. Bill Morno, Vaşingtonğa möräcäğat’ itep, bu salımnardan baş tartırğa çaqırdı. Ul, şulay uq, AQŞ qaznaçılıq ministrı Stiven Mnuçinnan 8-9nçı iyün’dä bulaçaq “Zur cidelek” liderları forumına qadär teläklärne ilbaşı Trampqa citkerüne soradı.  



Bäyläneşle xäbärlär