Törkiyä – keläm êksportında ikençe
Törkiyä – keläm êksportında dönya ikençese buldı

Xalıqara säwdä üzäge (ITC) mäğ’lümatlärenä kürä, Törkiyä Qıtaydan soñ dönyada iñ küp keläm êksportlawçı il bulıp tora.
Bu tarmaqta 2013nçe yılda 2 milliard 200 million dollar külämendä êksport başqarğan Törkiyä 2014nçe yılda 2 milliard 300 million, 2015nçe yılda 2 milliard, 2016nçı yılda 1 milliard 900 million häm 2017nçe yılda 2 milliard 200 million dollarlıq êksport yasadı.
Bu räweşle 5 yılda êksportlanğan kelämnärneñ tuplam miqdarı 10 milliard 600 million dollarğa citte.
Telgä alınğan şuşı yıllarda iñ küp keläm êksportı yasalğan il 1 milliard 700 million dollar belän Soğud Ğaräbstanı buldı.
Bu ildän soñ 1 milliard 600 million dollar belän Amerika Quşma Ştatları, 861 million dollar belän Ğiraq (Ğıyraq) häm 584 million dollar belän Germaniya tora.