“Moody’s” Törkiyäneñ üseş isäpläwen kütärgän

“Moody’s” xalıqara kredit bäyäläw oyışması Törkiyäneñ ağımdağı yılğa qağılışlı üseş isäpläwen 2,6%tan 3,7%qa kütärüen belderde

799347
“Moody’s” Törkiyäneñ üseş isäpläwen kütärgän

Kredit bäyäläw oyışmasınıñ "Global’ makro êkonomik küreneş” xisabında Törkiyä iqtisadı belän bäyle bularaq: “Törkiyä iqtisadı 2016nçı yılnıñ soñğı çiregendä üseşneñ yañadan artuınnan soñ 2017nçe yılnıñ berençe yartısında yaxşıruın däwam itterde. Monıñ näticäsendä Törkiyä öçen bıyıl üseş isäpläwebezne 2,6%tan 3,7%qa kütärdek. 2018nçe yılda iqtisadi üseşneñ yaqınça 3,2% külämendä tormışqa aşaçağın kötäbez”, - dip äytelde.

Törkiyä iqtisadınıñ kötelgännän tağın da yuğarı üseşkä ireşüenä säbäp bularaq Rusiyä belän İzraildän kilgän turist sanınıñ artuı, salımda taşlamalar häm kredit belän täêmin itü kebek qızıqsındıru çaralarınıñ, täşviqlärneñ qullanıluı, bäyä köndäşlege qısalarında Awrupa Berlegenä bulğan êksportnıñ artuı kürsätelde.

Xisapta ayıruça aprel’ ayındağı referendumnan soñ cirle kiyerenkeleklärneñ öleşçä azayuına, uzğan yılda häm bıyıl yıl başında kürengän kisken qimmätsezlänülärdän soñ törek lirasınıñ isä zur külämdä totrıqlılıq qazanuına basım yasaldı.



Bäyläneşle xäbärlär