Törkiyäneñ pähläwä êksportı

Törkiyä PÄHLÄWÄNE iñ küp qaysı illärgä sata?

718804
Törkiyäneñ pähläwä êksportı

Törkiyäneñ PÄHLÄWÄ êksportı 2016nçı yılda annan aldağı yılğa qarağanda iñ küp arttırğan illär Amerika Quşma Ştatları, Berläşkän Ğaräp Ämirlekläre häm Soğud Ğäräbstanı buldı.

Uzğan yılda êksportlanğan 575 tonna pähläwäneñ 233 tonnası şuşı öç ilgä cibärelgän bulsa, tuplam 5,7 million dollar külämendäge keremneñ 2,7 million dolları da telgä alınğan şuşı illärdän alındı.

Törkiyä statistika oyışması mäğlümatlärenä kürä, ğaräp illäre belän Amerika Quşma Ştatları törek tatlı aşamlığı pähläwägä zur iğtibar kürsätte.

Êksportlanğan pähläwä miqdarı uzğan yılda annan aldağı yılğa qarağanda 27,4% artış belän 575 tonnağa, täêmin itelgän kerem küläme isä 11,6% artış belän 5 million 730 meñ dollarğa kütärelde.

Şuşı uq çorda pähläwä êksportında ber kilogrammğa turı kilgän küläm isä 11,4 dollardan 10 dollarğa kimede.

Törkiyäneñ miqdar bazasında iñ küp pähläwä êksportlağan il häm 2015nçe yılda häm dä ütkän yılda Amerika Quşma Ştatları buldı.

Bu ilgä êksportlanğan pähläwä miqdarı annan aldağı yılda 65 tonna bulsa, uzğan yılda 64%qa artıp, 106 tonnanı uzdı.

Amerika Quşma Ştatlarınıñ törek pähläwäsenä tülägän küläm dä şul uq çordan 52% artış belän 1 million 15 meñ dollarğa citte.

Soğud Ğaräbstanına êksportlanğan pähläwä miqdarı 2015nçe yılda 39 tonna bulsa, ütkän yılda 82 tonnağa kütärelde.

Telgä alınğan şuşı ildän täêmin itelgän êksport kereme isä, 121%qa artıp, 1 million 148 meñ dollarnı uzdı.

Berläşkän Ğaräp Ämirleklärenä satılğan pähläwä miqdarı da şuşı uq çorda artış kürsätte.

2016nçı yılda bu ilgä satılğan pähläwä miqdarı 130%qa artıp 44 tonnağa citkän bulsa, alınğan kerem, uzğan yılda 2015nçe yılğa qarağanda 73%qa kübäyep, 556 meñ dollarğa kütärelde.

Törkiyäneñ Şveyśariyağa êksportlağan pähläwä miqdarı, uzğan yılda annan aldağı yılğa qarağanda 94%qa artıp, 33 tonnanı uzğan bulsa, bu satudan alınğan kerem, 70%qa kübäyep, 264 meñ dollarğa citte.



Bäyläneşle xäbärlär