Törkiyädä Rusiyä aqçası uzaçaq

Rusiyälelär Törkiyädä rubl’ belän tüli alaçaq

689826
Törkiyädä Rusiyä aqçası uzaçaq

Rusiyä häm Törkiyäneñ ike yaqlı säwdädä cirle aqça berämlege belän alış-bireşneñ öleşen arttıru êşçänlege alıp barılğan çaqta “Sberbank” qarşındağı “Denizbank” ğomum mödire Hakan Atäş Törkiyädä yal itüçe Rusiyä turistları öçen söyeneçle xäbärne citkerde.

Hakan Atäş Rusiyä turistlarınıñ Törkiyädä rubl’ belän tüli alu mömkinlegen buldıraçaq sistemanı tormışqa aşıraçaqların belderde.

Şuşı möhim proyekt turında mäğlümat birüçe Atäş berençe êtapta turizm häm igençelek ölkäsendä tormışqa aşırılaçaq şuşı ğamäl belän Rusiyälelärneñ Törkiyädäge bankomatlarda böten aqça êşlärendä häm bank operaśiyalarında rubl’ belän tüli alaçaqların assızıqlap äytep uzdı.

Bu sistema qısalarında ayıruça Rusiyädä xäzerge waqıtta rubl’ belän Törkiyä turlarınıñ satıluına da iğtibarnı yünältüçe Atäş: "Rusiyä turistlarına törle turizm xezmätlären täqdim itäbez. Qayber tur operatorları häm qunaqxanälär, otellär rubl’ belän xezmät birergä äzer. Rusiyä turistları Törkiyädä bulğan çaqta üzlären öylärendäge kebek xis itäçäklär. Ana tellärendä söyläşä alaçaq häm cirle aqça berämlege belän alış-bireş yasıy alaçaq”, - dip äytte.

Hakan Atäş äytüençä, böten yal itü urınnarındağı häm turizm töbäklärendäge bankomatlar urıs telendä dä xezmät birä.



Bäyläneşle xäbärlär