Türkäş: “Tacikstanda êş mömkinlekläre arta”

Tacikstanğa säfär qılğan Premyer-ministr urınbasarı Türkäş ike il iqtisadlarınıñ totrıqlı buluına iğtibarnı yünältte

675321
Türkäş: “Tacikstanda êş mömkinlekläre arta”

Törkiyä Premyer-ministr urınbasarı Tuğrul Türkäş soñğı atnanıñ pänceşämbe könendä (16nçı fevral’ atnakiçen) DEİK Tışqı iqtisadi mönäsäsäbätlär şurası belän Tacikstan käsepçelär berlege xezmättäşlege belän oyıştırılğan Törkiyä-Tacikstan êş forumı qısalarında Tacikstan iqtisadi üseş häm säwdä ministrı Nematullo Hi̇kmatullozoda häm küp sanda êşmäkär belän oçraştı.

Telgä alınğan çarada qatnaşudan şat buluın belderüçe Türkäş ike il arasındağı säwdä êlemtälären üsterep qamilläşterüne maqsat itülären äytte.

İke il iqtisadlarınıñ totrıqlı buluına iğtibarnı yünältüçe Türkäş: "Êş häm kapital salu mömkinlekläre tiz arta. Tacikstannıñ Bötendönya säwdä oyışması äğzalege - säwdä rejimın möhim däräcädä ütä kürenmäle qılğan häm liberalläştergän. Törkiyä – Tacikstannıñ iñ küp êksport yasawçı illär arasında berençe, importında isä dürtençe urında. Läkin bu wazğiyätneñ xäzerge potenśiyalnı çağıldırmawın da äytep uzarğa kiräk”, - dip bäyäläde. Türkäş Törkiyä häm Tacikstannıñ ike yaqlı êş mömkinlekläreneñ qamilläşterelüe, üsterelüe öçen kiräkle êşçänlekneñ başqarılaçağına basım yasadı.

Tacikstan firmalarınıñ Törkiyädäge yärminkälärdä qatnaşuın xuplarğa däwam itäçäklären assızıqlawçı Türkäş:

- Tacikstandağı êş häm kapital salu mömkinlekläreneñ tanıtıluı öçen seminar oyıştıraçaqbız. Tacik uquçı yäş’lärenä Törkiyädä belemnären aluı öçen stipendiyalarıbız däwam itäçäk. Diplomatik mönäsäbätlärebez urnaştırılğan uzğan 25 yılda bulğanı kebek bez bügen dä Tacikstannıñ üseş aluına öleş kertäçäk yärdäm kürsätüebezne däwam itteräçäkbez. Tacik duslarıbıznıñ bigräk tä viza, törek yök maşina yörtüçeläreneñ ixtıyacı bulğan taşu dokumentları häm êşläw röxsätlären ciñeläytäçäk östämä adımnar yasayaçağın ömet itäbez. Bigräk tä tamğaxanälärdä xezmättäşlekne qamilläşterep, beleşmälek bäyä ğamäleneñ beterelüe – säwdäbezneñ ofığın açaçaq adım bulaçaq”, - dip äytte.



Bäyläneşle xäbärlär