İstanbul birjasında çit il investorları

“Birja İstanbul”da uzğan yılnıñ zur öleşendä satıp aluçılar safında torğan çit il investorları 2016nçı yılnı 614 million dollarlıq çista satıp alu belän tämamlağan ide.

“Birja İstanbul”da “BIST 100” indeksı ğinwar ayında çit il investorlarınıñ köçle satıp aluınıñ da yoğıntısı belän törek lirası bazasında 10,44%, dollar bazasında isä 3,25% kütärelü terkälde.

Analitiklar “Birja İstanbul”da täqdim itelgän şirkät akśiyalarınıñ dollar bazasında tiñnärenä kürä oçsız qaluınıñ çit il investorlarınıñ satıp aluın köçäytüen täêmin itüen belderde.

Çit il investorları ğinwar ayındağı satıp alularında ğomum bularaq bank pay bazarların saylap alğan bulsa, Törek hawa yulları (THY) akśiyalarındağı köçle satıp alular da iğtibarnı cälep itte.

Çit il investorları 146 million yarım dollarlıq saf satıp alu belän uzğan ayda iñ küp “Garanti” bankı akśiyası saylap alınsa, iñ küp akśiyası satılğanı isä 23 million 700 meñ dollar belän “ASELSAN” buldı.

Ğinwar ayında çit il investorları iñ küp çista satıp alular başqarğan akśiyälärdä “Garanti” bankınnan soñ 88 million 600 meñ dollar belän “Halkbank”, 86 million 400 meñ dollar belän THY Törek hawa yulları, 59 million 800 meñ dollar belän “Êş bankı” häm 46 million 800 meñ dollar belän “VakıfBank” tora.

Çit il investorları tarafınnan “ASELSAN”nan soñ ğinwar ayında iñ küp satu başqarılğan pay bazarları isä 6 million 400 meñ dollar belän “Türk Traktor”, 5 million 600 meñ dolar belän “Tekfen Holding”, 3 million 400 meñ dollar belän “Migros” häm 3 million 200 meñ dollar belän “Park Elektrik” buldı.