“Gazprom” - “Allseas” kileşüe

Rusiyäneñ ênergetika şirkäte “Gazprom” belän Şveyśariyale “Olsis” şirkäte arasında Törek Ağımı tabiği gaz ütkärgeçe proyektında diñgez öleşendä tözeläçäk berençe liniya öçen kileşü imzalanğan.

“Gazprom”nan yasalğan açıqlawda “Olsis” şirkäteneñ kileşü buyınça Qara diñgezdä barlığı 900 çaqrımlıq ütkärgeç liniyase salacağı häm tözeleşne 2017nçe yılnıñ ikençe yartısında başlatacağı belderelgän.

Açıqlawda: “Törek Ağımı tabiği gaz ütkärgeçe proyektında berençe liniyaneñ tözelüe öçen kileşü imzalandı. Törek Ağımı qısalarında tözelüe planlanğan ikençe liniya öçen dä “Olsis” şirkäteneñ obsion xoquqına iyä bulaçaq,” – dip äytelgän.

Törek Ağımı tabiği gaz ütkärgeçe proyektında xökümätlärara kileşü Törkiyä häm Rusiyä arasında 10nçı üktäbr’ könne imzalanğan ide.

Proyekt qısalarında härberse 15,75 milliard m3 sıydırışlı ike ütkärgeçneñ tözelüe planlanğan waqıtta berençe liniyaneñ Törkiyägä, ikençeseneñ isä Awrupağa ireşterelüe küzdä totıla.

Törek Ağımı belän bäyle kileşüneñ raslanuınıñ yaraqı buluına qarağan qanun ölgese uzğan atnada Törkiyä Parlamentında qabul itelgän ide.