“İqtisad cähätennän wäzğiyät yaxşı”

Törkiyä qalqınu ministrı Lütfi Älvan ildä iqtisad cähätennän tiskäre küreneş bulmawın ,berençe yartıyıllıq kürsätkeçläreneñ ğayät uñay buluın belderep, makroekonomik kürsätkeçlärgä yünälgän maqsatlarğa üzgäreş kertelmäyäçägen äytte.

Älvan televideniye programmasında qatnaşıp kön tärtibendäge mäs’älälärgä bäyä birde.

 “Fätullahçı terror oyışması/parallel’ däwlät qorılışı”nıñ 15 nçe iyül’däge tüntäreleş kereşüe belän bäyle tikşerenü qısasında qalqınu ministrlığında 97 keşeneñ wazıyfasınnan çitläşterelüen belderüçe ministr ,yaqınça 300 xezmätkär belän bäyle tikşerü eşläreneñ däwam itüen citkerde.

Lütfi Älvan tüntäreleş kereşüeneñ säyäsi yağı da möhim buluına basım yasap “Älbättä, mäs’äläneñ säyäsi yağı da möhim. Çınnan da oyışmağa äğza bulıp xezmättäşlek başqarğan keşelär bulsa,alardan arındıraçaqbız”,-dide.

Törkiyä qalqınu ministrı Lütfi Älvan tüntäreleş kereşüenä qaramastan wäzğiyätneñ yaxşı buluın, äkrenläp proŝentlarnıñ kimüen kötülären belderde.