Törkiyädä Xalıqara tabiği taş texnologiyäläre yärminkäse uza

Dönya külämendä tabiği taş rezervlarınıñ yaqınça 40%ına iyä bulğan Törkiyädä 22 nçe tapqır Xalıqara tabiği taş texnologiyäläre yärminkäse uzaçaq.

İzmir qalasında 23-26 nçı mart könnärendä ütkäreläçäk yärminkädä küp ildän tarmaq wäkilläre, arxitektor häm injenerlar qatnaşaçaq.

Bıyılğı moda tösläreneñ aq, krem töse, aqsıl körän häm köl tösendä buluı Törkiyä belän qızıqsınunı arttırdı.

Bu töslär Bursa häm Diyarbakırda kiñ taralu säbäple Amerika, Yıraq Könçığış ,Katar häm Dubai kebek töbäklärdän zur külämdä zakaz birü kötelä.

Yärminkädä awırlıqları 10 tonnadan alıp 30 tonnağa qadär bulğan eşkärtelgän, yartılaş eşkärtelgän häm eşkärtelmägän 15 meñ tonna tabiği taş täqdim iteläçäk.