AQŞtan Törkiyägä säwdä wäkillege

Amerika Quşma Ştatları säwdä ministrı Penny Pritzker citäkçelegendäge wäkillektä Amerikan şirkätläreneñ yuğarı däräcäle citäkçeläre da bulaçaq.

Törkiyä xökümäte räsmiläre häm şäxsi tarmaq liderları belän oçraşular ütkäräçäk wäkillek, ilenä qaytqaç, Amerika Quşma Ştatları İlbaşı Barak Obamağa maxsus xisap täqdim itäçäk.

Başta Polşağa baraçaq, soñınnan Törkiyägä kiläçäk wäkillektä bulaçaq AQŞ säwdä ministrlığı kiñäşçese Stefan Selig Waşingtonda oyıştırğan matbuğat oçraşuında säfär maqsatınıñ Amerika şirkätläreneñ, şuşı ike ilgä yasalğan eksportın häm kapital saluların arttırıp, forsatlar tudıru buluın äytte.

Selig törek eş dönyasına Amerika Quşma Ştatları häm Törkiyä arasındağı strategik iqtisad häm säwdä xezmättäşlegenä bik zur ähämiyät birülären añlataçaqların assızıqlap äytep uzdı.