Oçuçı çiplar qom börtege zurlığında

Xäzergä qadär yasalğan qanatlı mikroçiplar arasında iñ keçkenäse bulğan häm härberse yaqınça qom börtege zurlığındağı mikroçiplar ber könne hawa kerlelegen häm pıçraq hawadan kilep çıqqan xastalıqlarnı küzätergä bulışa alaçaq.

Belgeçlär mikroçiplarnı dizaynlağan waqıtta cil belän taraluçı orlıqlarnıñ aêrodinamikasın tikşerde häm monnan ilhamlandılar. Bu dizayn oçuçı mikroçiplarnıñ kiñ mäydanğa cäyelüenä häm hawanı tağın da yaxşı küzäter öçen hawada ozaq waqıt qaluına yärdäm itä.

Northwestern Universitetında materiallar ğalime bulğan Djon Rodjers häm xezmättäşläre oçuçı mikroçiplarnı yasar öçen öç ülçämle balalar kitaplarınnan da ilhamlana.

Cihazlarnı başta yassı bit räweşendä barlıqqa kiterep, annarı ciñelçä suzılğan silikon kauçuk membrana östenä yabıştıralar. Membrana açılğaç cihazlar bögelä häm sizger qanatları 3D räweşenä kerä.

Belgeçlär ozaqlamıy mikroçiplarnı hawadağı kisäkçeklärne tabu, su sıyfatın küzätü, qoyaş yaqtılığın ülçäw, yaqtılıqtan ênergiya cıyu häm depolaw öçen qullana alaçaq.  

Çığanaq -TÜBİTAKnıñ “Fän häm texnika” jurnalı