Şaxtadan 78 mäyet çığarıldı
Kön’yaq Afrika cömhüriyätendä taşlandıq şaxtada yözlärçä êşçeneñ qaluı uylanıla

Kön’yaq Afrika cömhüriyätendä taşlandıq altın şaxtası “Stilfontayn”dağı qotqaru operaśiyäseneñ berençe 3 könendä 78 êşçeneñ üle gäwdäse çığarıldı. Cirle iminlek idaräse 13nçe ğıynvardan birle 216 qaçaq şaxtaçınıñ qotqarıluın belderde. Alarnıñ barısın saq astına alalar.
Kön’yaq Afrikanıñ “MACUA” keşe xoquqları oyışması, şaxtadan çığa almıyça qalğan êşçelärneñ ülgän iptäşlären aşawların belderep, 3nçe ğıynvarda Konstituśion mäxkämägä möräcäğat’ itte. Mäxkämä qararı belän xökümät qotqaru operaśiyäse başladı.
Almaz, altın, platina şikelle qıymmätle qazılmalarğa iyä Kön’yaq Afrikada qaçaq şaxtaçılıq êşçänleklärendä 10 meñnän 30 meñgä qadär keşeneñ qatnaşuı uylanıla.
Bäyläneşle xäbärlär

"Trampnıñ planı sataşu"
İzrailneñ êlekkege xökümät räise Êxud Barak AQŞ ilbaşınıñ Ğazzä belän bäyler plannarın şärexläde

Braziliyädä su basu fäläkäte
Berençe mäğ'lümatlarğa qarağanda tabiğat' afätlärendä 7 keşe ğomeren yuğaltqan