"Xusilär" İzrailgä höcüm itte
Alar ike noqtağa dronnar belän höcüm oyıştıra
2230656

Yämändäge “Xusilär” Tel’-Avivnıñ Yafa rayonı häm Êylat şähärenä höcümnär yasadı.
“Xusilär”neñ xärbi süzçese Yax’ya Säri “Äl-Mäsirä” telekanalı aşa yasağan belderüendä bik küp sanda keşesez hawa apparatları belän uñışlı 2 operaśiyä tormışqa aşıruların citkerde. Alar ikesendä dä êlektr stanśiyälärenä bärä.
Bilgele bulğança, “Xusilär” İran qul astındağı oyışma. Alar, İzrailneñ Ğazzädäge höcümnärenä cawap itep, 2023nçe yılnıñ 31nçe oktyabrennän birle Yämän territorial’ sulıqlarında İzrailgä baruçı yäisä alege ilneñ şirkätlärenä bäyle kommerśiyäle korablarnı qulğa töşerä, qayberlärenä dronnar yäisä raketalar belän höcüm itä. Monnan tış, “Xusilär” İzrailneñ törle töbäklären dä utqa tota.