Uzğan yıl tabiğat’ äfätläre meñlägän keşeneñ ğomeren özgän
Qorbannar sanın 11 meñ dip belderälär

Su basular, cir teträwlär, dawıllar häm başqa tabiğat’ äfätläre 2024 nçe yılda dön’ya külämendä 11 meñ keşeneñ ğomeren özgän.
Bu xaqta Germaniyädä urnaşqan “Myunxen Re” şirkäteneñ yıllıq tabiğıy afätlär xisabında citkerelä.
Anda äytelgänçä, uzğan yıl tabiğıy afätlär 320 milliard dollarlıq global’ iq’tisadi yuğaltularğa kitergän, anıñ 140 milliard dolları iminiyätläşterelgän.
Tabiğat’ äfätläre arqasında 11 meñ keşe ğomeren yuğaltqan, Xelen ğarasatı iñ zur zıyan kitergän afät bulğan.
2024 nçe yılda tabiğıy afätlärneñ 93%ı hawa fäläkätläre näticäsendä tormışqa aşqan.
AQŞqa sentyabr’ häm oktyabr’ aylarında kiterep bärgän Xelen häm Milton ğarasatları - uzğan yılnıñ iñ cimergeç, iñ ayanıçlı fäläkätläre.
Xelen 56 milliard dollarlıq yuğaltu belän, şul isäptän 16 milliard dolları iminiyätläşterüçelär tarafınnan qaplanğan, 2024 nçe yılnıñ iñ zur zıyan kitergän afäte bulğan.
Bäyläneşle xäbärlär

İzrailneñ Ğazzädäge genośid suğışınıñ 500nçe köne
Fälästinlelär İzrailneñ Ğazzädäge genośid suğışınıñ 500nçe könendä xatirälärne yañarta