Los-Anjelesta köçle cil turında kisätälär

Yanğınnarğa qarşı köräşne qıyınlaştıruçı hawa torışı däwam itä

2230230
Los-Anjelesta köçle cil turında kisätälär

AQŞnıñ Los-Anjeles şähäre häm tiräsendä 8nçe kön däwam itüçe yanğınnar belän köräşne qıyınlaştıruçı köçle cillärneñ qabat başlanuı mömkin. Bu nisbättän xalıqqa kisätü yasaldı.

Los-Anjelestağı 3 rayonda yanğınnar äle haman sünderelmäde. Ut meñnärçä yortqa yanıy.  Köçle cil häm tübän dımlılıq çärşämbegä qadär däwam itäçäk.

Los-Anjeles häm anıñ tiräsendä çıqqan yanğınnar 160 kvadrat çaqrımnan artıq mäydannı kölgä äwerelderde. Anda kimendä 24 keşe ülde, 23e isä yuqqa çıqtı. Yaqınça 150 meñ keşe öçen êvakuaśiyä kürsätmäse birelde. Afättä 12 meñnän artıq bina zarar kürde. İq’tisadi zıyannıñ 250-275 milliard dollar arasında bulaçağı farazlana.  



Bäyläneşle xäbärlär