Qanqoyış tuqtamıy: qorbannar sanı arta
Alarnıñ sanı 46 meñ 584kä kütärelgän
2229877

İzrailneñ Ğazzä sızığına 465 kön barğan höcümnärendä qorbannar sanı 46 meñ 584kä kütärelgän.
Ğazzädäge Fälästin sälamätlek saqlaw ministrlığı xäbär itkänçä, İzrail armiyäseneñ soñğı täwlektäge höcümnärendä 19 keşeneñ ğomere özelgän, 71 keşe cäräxätlängän.
İzrailneñ Ğazzä sızığına 2023 nçe yılnıñ 7 nçe oktyabrennän birle däwam itkän höcümnärendä ğomeren yuğaltqan fälästinlelärneň sanı 46 meň 584kä citkän, yaralanuçılar – 109 meň 731.
Belderüdä cimereklär astında häm yul çitlärendä äle haman da ülelär barlığı, tik İzrail köçläreneñ totqarlawları arqasında mediśina törkemnäre häm qotqaruçılarnıñ ul urınnarğa barıp mäyetlärne çığara almawı xäterlätelä.