İzrail Ğazzädä 966 mäçetne cimerde

İzrail armiyäseneñ 2024nçe yılda Ğazzä sızığına höcümnärendä 815 mäçetne tulısınça, 151en isä öleşçä cimerüe belderelde. Şul uq waqıtta, 19 zirat yuq itelgän, 3 çirkäw cir belän tigezlängän. Bu xaqta Fälästin waqıflar häm dini êşlär ministrlığı citkerä.

Belderüdä basıp alınğan Könçığış Qudüstäge Äl-Aksa mäçetenä 2024nçe yılda yasalğan basqınnar turında da mäğ’lümat birelä. Älege ğıybadätxanägä bıltır 256 tapqır basıp kerälär. Bu waqıyğalarda 2 meñ 567 izraille qatnaşa. Äytik, İzrailneñ çiktän tış uñçı Milli qurqınıçsızlıq ministrı İtamar Ben-Gvir Äl-Aksağa 7 tapqır basqın oyıştıra.