Höcümnär däwam itä: yuğaltular arta

Suğış qorbannarınıñ sanı 45 meň 854kä citkän

2227489
Höcümnär däwam itä: yuğaltular arta

 İzrailneñ Ğazzä sızığına höcümnäre 458 kön däwam itä.

Ğazzädäge Fälästin sälamätlek saqlaw ministrlığı xäbär itkänçä, İzrail armiyäseneñ soñğı täwlektäge höcümnärendä 48 keşeneñ ğomere özelgän, 75 keşe cäräxätlängän. 

İzrailneñ Ğazzä sızığına 2023 nçe yılnıñ 7 nçe oktyabrennän birle däwam itkän höcümnärendä ğomeren yuğaltqan fälästinlelärneň sanı 45 meň 854kä kütärelgän, yaralanuçılar – 109 meň 139.

Fälästin sälamätlek saqlaw ministrlığı belderüendä cimereklär astında häm yul çitlärendä äle haman da ülelär barlığı, tik İzrail köçläreneñ totqarlawları arqasında mediśina törkemnäre häm qotqaruçılarnıñ ul urınnarğa barıp mäyetlärne çığara almawı xäterlätelä.



Bäyläneşle xäbärlär