Paqıstan xärbi oçqıçları Äfganstan cirlärenä höcüm itkän
4 hawa höcümendä 46 keşe ğomeren yuğaltqan

Äfganstan citäkçelege Paqıstan xärbi oçqıçları belän Äfganstan cirlärenä yasalğan hawa höcümnärendä 46 keşeneñ ğomere özelüen belderde.
Äfganstan waqıtlıça xökümäteneñ süzçe urınbasarı Hamdullah Fıtrat bu turıda matbuğatqa belderü yasadı.
Fıtrat bilgeläp uzğança, Paqıstan xärbi oçqıçlarınıñ Äfganstan cirlärenä oyıştırğan 4 hawa höcümendä 46 keşe ğomeren yuğaltqan, 6 keşe yaralanğan.
Höcümnärdä şaqtıy yort cimerelgän, qorbannarnıñ kübese xatın - qızlar häm balalar.
Uzğan töndä Paqıstan xärbi oçqıçları Äfganstannıñ Paktika provinśiyäseneñ qayber töbäklären bombağa totqan ide.
Äfganstan waqıtlıça xökümäteneñ saqlanu ministrlığı älege waqıyğalardan soñ yasağan belderüendä höcümnärneñ xalıqara normalarnı bozuın häm cawapsız qalmayaçağın citkerde.
Bäyläneşle xäbärlär

Baltıyq buyı däwlätläre Rusiyä êlektrın qullanudan tuqtadı
Êstoniya, Litva häm Latviyä Awrupa Berlegeneñ êlektr çeltärenä totaştı