“İzrail kileşüne 60 tapqırdan artıq bozdı"

“Xizbulla” xäräkäte ğomum särqatibe Naim Qasıym, İzrailneñ distälärçä tapqır bozuına qaramastan, utnı tuqtatu kileşüeneñ uñışlı buluına mömkinlek birülären söyläde. Ul ber televideniyegä interv’yusında İzrail belän Livan arasında 27nçe noyabr’dä tözelgän kileşüne bozu oçraqların küzätü cawaplılığınıñ däwlätkä töşüen äytte.

Naim Qasıym İzrail belän täêmin itelgän utnı tuqtatu kileşüen qabul itülären belderep bolay di: “İzrail kileşüne 60 tapqırdan artıq bozdı. Monı küzätep baru cawaplılığı Livan xökümätendä. “Xizbulla” isä kileşüneñ uñışlı çığuına mömkinlek birä”.

Ul “Xizbulla”nıñ utnı tuqtatudan soñğı xälenä dä tuqtaldı. “Kiçergän krizis häm suğışlarnı bäyäläp, barlıq alannarda bezne üsteräçäk näticälär çığaraçaqbız”,-dide Naim Qasıym.

Livan belän İzrail arasında utnı tuqtatu kileşüe 27nçe noyabr’ cirle waqıt belän säğat’ 4tä ğamälgä kerde.