Gama oppoziśiyä qulına küçte
Süriyädä rejimğa qarşı qorallanğan törkemnär alğa taba baruın däwam itä
Süriyäneñ Gama şähär üzägeneñ kontrole oppoziśiyä törkemnäreneñ qulına küçte. Alar Mäzarib, Sanayi häm Arbain mäxällälären yawlağannan soñ qalanıñ märkäzenä taba kerä.
Süriyä armiyäse isä, rejimğa qarşı törkemnärneñ şähärgä ütüennän soñ, Gamanıñ tışına çigenep, anda urnaşa.
Oppoziśiyä başqala Dimäşqqa açıluçı strategik ähämiyätkä iyä Xumus töbägendä dä Rasten häm Tälbisä rayonnarın qulına töşerde. Alar cirlektä alğa taba baruların däwam itä.
Gama şähäre üzäge Süriyädä 2011nçe yılda watandaşlar suğışı başlanğannan birle täwge tapqır rejimnıñ kontrolennän çıqtı. Ul bäreleşlärneñ Xumus aşa Lazkiyä häm başqala Dimäşqqa yoğıntı yasıy aluı säbäple strategik ähämiyätle urında urnaşqan.
Gama oppoziśiyä qulına küçkäç, başqala Dimäşqnıñ İdlib häm Xaläb belän bäyläneşläre dä özelde. Östäwenä ul qorallı törkemnärneñ alğa taba baru yünäleşendä. Bu rejim öçen zur yanaw.
Süriyädä rejim köçläre belän qorallı oppoziśiyä törkemnäreneñ bäreleşläre 27nçe noyabr’dä Xaläb töbägeneñ könbatışında başlandı.
