Süriyädä qorallı törkemnär Gamağa taba bara

Süriyädä Bäşşar Äsäd rejimına qarşı qorallı törkemnär Gama şähäreneñ qırıydağı mäxällälärenä kerä başladı. Bäreleşlär 27nçe noyabr’dä başlanğan ide.

Oppoziśiyä Gamanıñ könçığışındağı Mäzarib, Sanayi häm Arbain mäxällälärenä ayaq bastı. Köçle bäreleşlär däwam itä. Süriyä rejimı köçlärenä Rusiyäneñ xärbi oçqıçları yärdäm itä.

Rejimğa qarşı qorallı törkemnär 27nçe noyabr’dä Xaläb töbägeneñ könbatışın yawlıy başladı. 30nçı noyabr’dä alar cirlekne tulısınça diyärlek üz kontrol’lärenä aldı häm İdlibkä küçte. Anda da xakimlek urnaştırıp, Gama töbägendä suğışa-suğışa alğa taba baralar. 

Monnan tış, Süriyä milli armiyäse 1nçe dekabr’dä Xaläb cirlegendä separatist terrorçı oyışma “PKK/YPG”gä qarşı “Bäysezlek şäfağı” operaśiyäsen başladı häm Tel-Rıfat rayonın terrorçılardan çistrattı.