Ğazzädäge Fälästin sälamätlek saqlaw ministrlığı İzrailneñ Ğazzä sızığına 425 kön däwam itkän höcümnäre turında mäğ’lümatlar citkerde.

Belderüdä äytelgänçä, soñğı täwlektäge höcümnärdä 30 keşeneñ ğomere özelgän, 84 keşe cäräxätlängän. 

Şulay itep İzrailneñ Ğazzä sızığına 2023 nçe yılnıñ 7 nçe oktyabrennän birle däwam itkän höcümnärendä ğomere özelgän fälästinlelärneñ sanı 44 meň 532gä kütärelgän, yaralanuçılar - 105 meñ 538.

Belderüdä cimereklär astında häm yul çitlärendä äle haman da ülelär barlığı, tik İzrail köçläreneñ totqarlawları arqasında mediśina törkemnäre häm qotqaruçılarnıñ ul urınnarğa barıp mäyetlärne çığara almawı xäterlätelä.