İzrail armiyäse Livanğa höcüm itte

İzrail armiyäse, çärşämbe könne utnı tuqtatu kileşüe ğamälgä kergännän soñ, täwge tapqır Livannıñ kön’yağına hawa höcüme oyıştırdı.

İzrail armiyäse süzçese Aviçay Adrai sośial’ media aşa yasağan belderüendä xärbi oçqıçlarnıñ Livannıñ kön’yağın utqa totuın citkerde. Ul “Xizbulla”nıqı buluı alğa sörelüçe raketa saqlağıçı nişanğa alınuın äytä.

Adrai İzrail armiyäseneñ töbäktä “Xizbulla” êşçänlegen açıqlawın söyli. Yänäse, İzrail köçläre utnı tuqtatu kileşüen bozunı buldırmaw öçen Livannıñ kön’yağında urnaşqan.

Armiyä süzçese, monnan tış, kiçä cirle waqıt belän kiçke säğat’ 5tän başlap bügen irtänge säğat’ 7gä qadär Livannıñ kön’yağında säyäxät tıyıluın belderde. Litani yılğasınıñ kön’yağında yäşäwçelärneñ torğan urınnarınnan kitmäwläre soraldı.

Adrai kiçä irtänge säğat’ 6da Livannıñ kön’yağında 10 toraq punktqa yaqınlaşmasqa quşıp yanağan ide.