Livan armiyäse kön'yaqqa urnaşa başladı
İzrail belän Livan arasında tözelgän utnı tuqtatu kileşüe tormışqa aşırıla
2214698
Livan armiyäse, İzrail belän kiçä täêmin itelgän utnı tuqtatu kileşüe nigezendä, ilneñ kön’yaq çiklärenä ğaskärlären urnaştıra başladı. Bu BMOnıñ tınıçlıq köçläre belän koordinaśiyäle räweştä bara.
AQŞ ilbaşı Djo Bayden kiçä Livan belän İzrail xökümätläre arasında utnı tuqtatu kileşüe tözelüen xäbär itte. Ul “X” platformasında ike yaqnıñ da däwlät başlıqları belän söyläşüen häm alarnıñ İzrail belän “Xizbulla” arasında cimergeç bäreleşlärne beterü täq’dimen qabul itüen äytte.
Livan belän İzrail arasındağı utnı tuqtatu kileşüeneñ 3nçe maddäsendä yaqlar BMO İminlek şurasınıñ 1701nçe qararın tulısınça ğamälgä aşıru öçen adımnar yasayaçağına ışandıra, 5nçe maddäsendä isä “Livannıñ räsmi xärbi häm iminlek köçläre, asqorması häm qoralları Kön’yaq Litani töbägenä urnaştırılaçaq” diyelä.
