İzrail apellyaśiyägä birde

İzrail Xalıqara mäxkämäneñ xökümät räise Bin’yamin Netan’yaxu häm êlekkege saqlanu ministrı Yoav Gallantnı saq astına alu qararların apellyaśiyägä birde.

İzrail xökümät yortınnan yasalğan belderüdä Tel’-Avivnıñ älege xökem qararların häm mäxkämäneñ wäqaläten tanımawı belderelä.

İzrail kiçä saq astına alu qararlarınıñ ğamälgä kerüen kiçekterüne taläp itkän häm apellyaśiyägä möräcäğat’ yasağan.

Xalıqara mäxkämä 21nçe noyabr’dä “Ğazzädä êşlängän suğış cinayät’läre häm keşelekkä qarşı cinayät’lär öçen” İzrail xökümäte räise Netan’yaxu belän êlekkege saqlanu ministrı Gallantnı saq astına alu qararın iğ’lan itte. Alarnıñ Awrupa Berlegendäge barlıq illär belän bergä Yaponiya, Kanada, Meksika, Avstraliya, Yaña Zelandiya, Angliya, Üzäk häm Kön’yaq Amerika däwlätläre, Afrika illäreneñ kübesen dä kertep Xalıqara mäxkämädä äğ’za 124 däwlätkä barudan tıyılırğa mäcbür bulaçağı belderelä.