Rusiyä ballistik raketalar belän höcümnären däwam itärgä mömkin

Rusiyäneñ Ukrainağa qıytğalar arası ballistik raketa belän höcümen däwlät başlığı Vladimir Putin Könbatışqa yullama dip assızıqladı. “Oreşnik” sistemabıznı sınap qarawıbız NATOnıñ Rusiyägä qarata agressiv ğamällärenä turıdan-turı cawabıbız”, -dide ul häm oxşaş höcümnärneñ däwam itäçägenä kinayäläde. “Bu tördäge raketalarnı alğa taba da urnaştıru qararları Amerika Quşma Ştatları häm berlektäşläreneñ ğamällärenä bäyle bulaçaq”,-di Putin.

Rusiyä atna buyı Amerikada çığarıluçı 5 “ATACMS” raketasın bärep töşerüen belderde. Angliyä häm Franśiyä çığara torğan 2 “Storm Shadow” raketası da täêsirsez xälgä kiterelä.

Ukraina däwlät başlığı Volodimir Zelenskiy isä “Putin suğışnı tağın da cäyelderü öçen adım yasıy” dide. Ul Rusiyä däwlät başlığınıñ Ukrainanı yaña qorallarğa täcribä ütkärü mäydanı itep qullanuın äytä.

Kiyerenkelekneñ artuı Rusiyäneñ kürşelären dä borçuğa saldı. Qazaqstan ilbaşı Qasıym-Cumart Toqayev ähämiyätle xärbi häm grajdanlı ob’yektlarnıñ iminlegen täêmin itü öçen aşığıç çaralar kürergä boyırdı