Xalıqara cinayät’ mäxkämäse baş prokurorınnan çaqıru
Xalıqara cinayät mäxkämäse baş prokurorı Kärim Xan mäxkämäneñ İzrail Baş ministrı Bin’yamin Netan’yaxu belän êlekke saqlanu ministrı Yoav Gallantnı qulğa alu qararınıñ ütälüe öçen äğ’za illärgä çaqıru yasadı
Xan Netan’yaxu häm Gallantqa qarata qabul itelgän qulğa alu qararları belän bäyle bularaq belderü yasadı.
Kärim Xan, 20nçe mayda yasalğan möräcäğätlärneñ bäysez tikşerü näticäsendä häm ğadel barıştan uzğan ob’yektiv, raslanğan dälillärgä nigezlängän buluın belderep, qulğa alınu qararlarınıñ ütälüe öçen Xalıqara cinayät mäxkämäse äğ’zase illärgä çaqıru yasadı.
Baş prokuror Xan Xalıqara cinayät mäxkämäse saytında çıqqan belderüendä: "Böten taraf däwlätlärne Rim statusına bulğan bäyleleklären häm xökem çığaru qararların ütärgä çaqıram. Mäxkämäneñ xökem çığaru wäqaläte qısalarındağı böten oçraqlarda bulğanı kebek şuşı mäxkämä êşendä dä xezmättäşleklärenä ışanabız”, - dide.
Xan Xalıqara cinayät mäxkämäsenä äğ’za bulmağan däwlätlärgä dä cawaplılıqqa tartıla alınunı täêmin itü häm xalıqara xoquqnı yaqlaw öçen xezmättäşlekkä açıq buluların iskärtep uzdı.
Kärim Xan Rim statusınıñ 54nçe maddäse nigezendä xuplawçı häm qarşı çığuçı torışlarnıñ häm dälillärneñ bäyälänelüe öçen İzrail häm Fälästin belän bergä böten taraflar belän dä xezmättäşlek êzlänüen alıp baraçaqlarına basım yasadı.
Ğazzä häm Yordannıñ könbatış üzänlegendäge wazğiyätne tikşerergä däwam itülären belderüçe Xan: "Qırıslıqnıñ artuınnan, humanitar yärdäm mömkinlekläreneñ azayuınnan häm xalıqara cinayät raslawlarınıñ kübäyüennän bik nıq borçılam”, - dip bäyäläw yasadı.
Xan Netan’yaxu belän Gallantnıñ açlıqnı suğış ısulı bularaq qullanu cinayäte belän keşe üterü, zolım häm başqa keşeleksez ğamällär qısalarında keşelekkä qarşı cinayättän cawaplı totıluın bilgeläp uzdı.
