Livanda bik dähşätle kön

İsrail’ armiyäseneñ Livannıñ könçığışındağı Baalbäkneñ törle rayonnarına kiçä yasalğan hawa höcümnärendä 47 keşeneñ ğomere özelde, 22se yaralandı. Cirlek gubernatorı Bäşir Xıdır “X” platforması aşa yasağan belderüendä töbäktä “bik dähşätle kön” kiçerülären assızıqladı. Ul İzrail armiyäseneñ Baalbäkkä bik küp sanda bomba yawdıruın, 47 keşeneñ ülüen häm 22seneñ yaralanuın citkerde. Yuğaluçılarnı tabu öçen cimereklär astında êzläw-qotqaru êşçänlekläre däwam itä.

İzrail köçläreneñ Sur şähärenä höcümnärendä isä  - 5, Nebatiyä şähärendä 1 bina utqa totıla. Anda 4 keşeneñ ülüe, 15eneñ yaralanuı belderelä.

İzrail armiyäseneñ 2023nçe yılnıñ 8nçe oktyabrennän birle Livanğa höcümnärendä ğomere özelüçelärneñ sanı 3 meñ 583kä, yaralanuçılar - 15 meñ 244kä citte.