Ğazzädäge qorbannarnıñ kübese - balalar

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’ Fälästindäge qorbannarnıñ kübeseneñ balalar buluın söyläde.

Yordaniya universitetınnan yasalğan belderügä qarağanda, Djozef Borrel’gä xalıqara säyäsättäge role öçen maqtawlı doktor iseme birelde. Ul biredäge tantanada yasağan çığışında İzrailneñ Ğazzägä höcümnären “balalarğa häm kiläçäkkä qarşı açılğan suğış” dip atadı.   

“Ğazzädän başlap barlıq Fälästindäge xäl qorbannarnıñ kübese balalar bulğan faciğane kürsätä”,-dip Borrel’ xalıqara keşe xoquqların açıqtan-açıq bozup här könne distälärçä sabıynıñ üterelüen xäterlätte.  

Borrel’ tınıçlıq täêmin itelü öçen qanunsız basıp alular, üterülär häm ber ğayepsez keşelärgä qarata qullanıluçı açlıq säyäsäteneñ beterelüe kiräklegen belderä. Älege nisbättän ul külämle häm bäysez tikşerüneñ dä bik ähämiyätle buluın assızıqlıy.

Djozef Borrel’, monnan tış, torğan sayın qotıplaşuçı dön’yada diskriminaśiyägä qarşı köräş häm añlaw küperläre tözergä çaqırdı.