İzrailneñ Livanğa höcümnäre

İzrail armiyäseneñ 2023nçe yılnıñ 8nçe oktyabrennän birle Livanğa höcümnärendä ğomere özelüçelär sanı 3 meñ 481gä citte. Alarnıñ 896sı xatın-qız häm bala, 210ı mediśina xezmätkäre. Yaralanuçılar 14 meñ 786.

İlneñ sälamätlek saqlaw ministrlığınnan belderülärençä, İzrail köçläre kiçä dä bik küp töbäklärgä höcüm itte. Anda 29 keşe ülde, 122se yaralandı.

İzrail 2023nçe yılnıñ 8nçe oktyabrennän birle “Xizbulla” belän atışıp tordı. Bıyılnıñ 23nçe sentyabrennän isä, Livannıñ kön’yaq şähärlärennän tış, Bäkaa häm Ballbäk cirleklärenä dä köçle höcümnär başladı.

İzrail bombalawları säbäple Livanda yözlärçä meñ keşeneñ yäşägän cirlärennän küçenüe farazlana. Xökümät 518 meñnän artığınıñ Süriyägä kitüen belderde.