İzrailneñ Livanğa höcümnäre däwam itä

Şuf rayonına oyıştırılğan hawa höcümnärendä häläq buluçılarnıñ sanı 25kä citkän.

Bäyrutnıñ kön’yağındağı Dahiyägä dä 9 hawa höcüme oyıştırıldı.

Livan sälamätlek saqlaw ministrlığı 2023nçe yılnıñ 8nçe oktyabr könennän birle Livanda oyıştırılğan İzrail höcümnärendä ğomer özelüçelärneñ 3 meñ 365kä citüen belderde.

“Xizbullah” höcümnärgä cawap birä.

“Xizbullah” Tel-Avivtä İzrail saqlanu ministrlığı ştabı da urnaşqan Kirya xärbi bazasın keşesez hawa apparatları belän nişan itep aldı.

İzrail armiyäse Livannıñ kön’yağındağı ber awılda “Xizbullah” belän bäreleştä 6 ğaskäriyeneñ ülüen belderde.

İzrail höcümnäre arqasında livanlılar da küçep kitärgä mäcbür.

Berläşkän Millätlär Oyışması Livanda 1 millionnan kübräk keşeneñ küçep kitüen belderde.

Höcümnär arqasında Bäyruttağı iñ zur sport qorılması üz yortlarınnan küçep kitüçelär öçen sıyınu üzägenä äyländereläçäk.