İspaniya İzrailne saqlanu kürgäzmäsennän çığardı

İspaniya saqlanu ministrlığı kiläse yıl oyıştırılaçaq 4nçe Saqlanu häm iminlek xalıqara kürgäzmäsendä (FEINDEF) İzrailneñ häm älege ilneñ şirkätläreneñ qatnaşuına röxsät birmäyäçägen citkerde.

Saqlanu ministrlığınıñ däwlät särqatibe Amparo Val’karse bolay dip belderä: “FEINDEF”tä İzraildän yäisä teläsä-qaysı izraille şirkättän qatnaşuçı bulmayaçaq. İspaniya Fälästin häm Livanda tınıçlıq häm iminlek öçen köräşä häm xalıqara keşe xoquqların xörmät itä. “FEINDEF” monıñ tışında qala almıy”.

İspaniyäneñ iñ zur saqlanu kürgäzmäse “FEINDEF”tän İzrailneñ çığarıluı säbäpläre arasında, Fälästin cirläre häm Livandağı höcümnärennän tış, ispannar da kerüçe xalıqara törkemneñ Yordannıñ basıp alınğan Könbatış yarında İzrail ğaskärläreneñ höcümenä duçar qalu oçrağı da bar. Törkemdä Barselonanıñ êlekkege mêrı Ada Kolau häm Awrupa parlamentı deputatı Jaume Asens ta bula. Alar zäytün cıyuçı fälästinlelär yanında torğanda İzrail ğaskäriläre küz yäşen çığaruçı bomba belän höcüm itä.

Dön’yadağı iñ ähämiyätle 10 saqlanu kürgäzmäsennän berse sanaluçı “FEINDEF”kä 400dän artıq şirkätneñ kilüe kötelä. Ul 12nçe-14nçe may könnärendä başqala Madridta uzaçaq.