Xarris ciñelü çığışın yasadı

Amerika Quşma Ştatları ilbaşı urınbasarı häm demokratlar partiyäse kandidatı Kamala Xarris 5nçe noyabr’dä uzğan saylawlarda ciñelüennän soñ täwge tapqır çığış yasadı. Ul başqala Vaşingtonnıñ Xovard universitetı kampusında säxnägä çıqtı.

Xarris saylawda ciñelüen räsmi räweştä qabul itte. “Bu saylawlarnıñ näticäsen qabul itüebez kiräk. Saylanğan ilbaşı Donal’d Tramp belän söyläştem häm ciñüe belän qotladım”,-dide ul.   

Xarris tuğ’rılıqlarınıñ Trampqa tügel, AQŞ Konstituśiyäsenä buluın assızıqladı.  Ul üzen yaqlawçılarğa möräcäğat’ itep bolay di: “Bu saylawlarda ciñelüemne qabul itäm, tik bu kampaniyäne yalqınlandırğan köräşebezdän baş tartmıym”.

Donal’d Tramp 2025nçe yılnıñ 20nçe ğıynvarında ant itep AQŞ ilbaşı wazıyfasına kereşäçäk.