Rusiyä Trampnı qotlamıy

Kreml’ süzçese Dmitriy Peskov Rusiyä däwlät başlığı Vladimir Putinnıñ AQŞ ilbaşı saylawlarında ciñgän Donal’d Trampnı täbrik itü planı bulmawın belderde. “AQŞnıñ turıdan-turı da, çitlätep tä ilebezgä qarşı suğışta urın alğan doşman däwlät buluın onıtmıyq”,-dide ul jurnalistlarnıñ sorawlarına cawap birep.

Qotlamawnıñ Rusiyä-Amerika mönäsäbätlären tağın da kötüläşterä aluı belän bäyle sorawğa Peskov bolay dip cawap birde: “Mönäsäbätlärneñ tağın da naçarayuı mömkin tügel dip äytergä mömkin. Xäzerge waqıtta tarixtağı iñ tübän däräcäsendä häm bu mönäsäbätlärneñ kiläçäge AQŞnıñ yaña idaräsenä bäyle”.

Peskov äytüençä, Putin dialogqa açıq, şuña kürä Ukraina mäs’äläsendä Tramp belän telefonnan söyläşü mömklinlege bar. “Bu bezneñ totrıqlı poziśiyäbez häm böten dön’yada bilgele. Qalğanın kürü öçen konkret adımnarnı kötik”,-dide ul.