Gallant wazıyfasınnan alındı

İzrail xökümäte räise Bin’yamin Netan’yaxu saqlanu ministrı Yoav Gallantnı wazıyfasınnan aldı. Bu xaqta ilneñ xökümät yortınnan belderdelär.

Netan’yaxunıñ: “Gallant belän ike aradağı ışanıç qaqşadı. Bik küp tapqır arabızdağı buşlıqnı qaplarğa tırıştım, tik ul tağın da kiñäyde” -digän süzläre iğ’tibarnı cälep itä.  

Cirle matbuğatta çıqqan xäbärlärdä Gallantnıñ urınına saqlanu ministrı wazıyfasına tışqı êşlär ministrı İsraêl’ Kaśnıñ quyıluı äytelä.

İzrail xökümäte räise Netan’yaxu monnan alda da Gallantnı urınınnan alırğa cilkengän ide, tik protestlardan soñ bu qararınnan çigende.