"Bu tarixi häm säyäsi ciñü"
Bu xaqta ilbaşı namzäte Donal'd Tramp belderde
Amerika Quşma Ştatları ilbaşın saylawda räsmi bulmağan berençe näticälär açıqlanğannan soñ kandidat Donal’d Tramp Floridada çığış yasap ciñüen iğ’lan itte.
Tramp saylaw näticäsen tarixi häm säyäsi ciñü dip bäyäläde.
”47 nçe ilbaşın saylağanığız öçen räxmät. Min sezneñ öçen här kön köräşäçäkmen. Bu AQŞ öçen altın ğasır bulaçaq. Bu AQŞ öçen zur ciñü”,- dide Donal’d Tramp.
Amerika Quşma Ştatlarında ilbaşın 538 keşedän torğan saylawçılar şurası bilgeli.
Kandidat Aq Yortqa saylanu xoquqına iyä bulu öçen 270 delegat tawışın alırğa tiyeş.
Räsmi bulmağan mäğ’lümatlarğa qarağanda, Tramp 267 delegat, Demokratlar kandidatı Kamala Xarris 224 delegat tawışın aldı.
Saylawçılar şurası delegatları 17 nçe dekabr’dä kem ciñgänen räsmi räweşta iğ’lan itäçäk.
Ciñüçe 6 nçı ğıynwarda Senat tarafınnan raslanaçaq.
